Ein Für Allemohle Lyrics

Mai zweiunveezisch woor se sibbe,
met sommersprosse'n blonde hoor.
die »dausend bomber övver kölle«,
woor'n ezz dä ahnfang. aff do
fass jede naach alarmsirene,
fass jede naach en duudesanx,
met mamm un schwester un dämm kleine,
die strooß erunder nohm bunker jerannt,
off als et leechterloh brannt.
»en einzije naach bloß
un du häss ein für allemohle jeliehrt,
verschött en'nem keller,
wer sämpliche kreeje sick jeher verliert.«
All die pulsschlääsch em stockdunkle,
all dä krach, all dä jestank,
all dä stöbb en kinderlunge,
all dä rauch, all die anx,
all die wunde, all die träne,
all dat bloot un all dä dreck,Bap - Ein Für Allemohle - http://motolyrics.com/bap/ein-fur-allemohle-lyrics.html
all die duude ohne name,
zerfetz, verrengk un versengk,
die kräät se niemieh verdrängk.
»en einzije naach bloß
un du häss ein für allemohle jeliehrt,
verschött en'nem keller,
wer sämpliche kreeje sick jeher verliert.«
Die brosch met dämm anker,
nevve dämm joldene häzz,
rääts un links vun dämm krüzz
hatt ihre papp noch jescheck,
eh datte vermess woot,
ir'ndwo'n enn der normandie verreck,
je'nfalls kohm dä nie zoröck.
»en einzije naach bloß
un du häss ein für allemohle jeliehrt,
verschött en'nem keller,
wer sämpliche kreeje sick jeher verliert.«