Pulenta E Galena Fregia Lyrics

Pulènta e galèna frègia
e un fantasma in söe la veranda
Barbèra cume' petròli
e anca la löena me paar che sbanda...
cadrèga che fa frecàss
e buca vèrta che diis nagòtt
dumà la radio sgraffigna l'aria
e i pensee fànn un gran casòtt....

L'è minga vèra che nel silenzio
dorma dumà la malincunìa
l'è minga vèra che un tuscanèll3
l'è minga bòn de fa una puesìa
in questa stanza senza urelògg
bàla la fata e bàla la stria
in questu siit senza la lüüs
che diis tücoos l'è duma' l'umbrìa....

Scùlta el veent che pìca la pòrta
g'ha in cràpa una nìgula e in bràsc una sporta
el diis che g'ha deent un bel regàal
me sa che l'è el sòlito tempuraal....
Scùlta i spiriti e scùlta i fulètt
che ranpèghen in söel müür e sòlten föe di cassètt
g'hann söe i vestii de quand sèri penènn
i ne vànn e i ne vègnen cun't el büceer del vènn...
Davide Van De Sfroos - Pulenta E Galena Fregia - http://motolyrics.com/davide-van-de-sfroos/pulenta-e-galena-fregia-lyrics.html
E la candela la sta mai ferma
la se möev cumè la memoria
e anca el ràgn söe la balaüstra
ricàma el quadru de la sua storia
la ragnatela di mè pensèe
la ciàpa tütt quèll che rüva scià
ma tanti voolt la g'ha troppi böcc
e l'è tüta de rammendà....

La finestra la sbàtt i all,
ma la sà che po' mea na' via
e i stèll g'hann la facia lüstra
cumè i öcc de la nustalgìa
in questa stanza senza nissöen,
vàrdi luntàn e se vedi in facia
in questa stanza de un òltru teemp,
i mè fantasmi i làssen la traccia.

Scùlta el veent che pìca la pòrta
G'ha in cràpa una nìgula e in bràsc una sporta
el diis che g'ha deent un bel regàal
me sa che l'è el sòlito tempuraal....
Scùlta i spiriti e scùlta i fulètt
che ranpèghen in söel müür e sòlten föe di cassètt
g'hann söe i vestii de quand sèri penènn
i ne vànn e i ne vègnen cun't el büceer del vènn...