Owê, sol aber mir iemer mê Lyrics

'Owê, -
Sol aber mir iemer mê
geliuhten dur die naht
noch wîzer danne ein snê
ir lîp vil wol geslaht?
Der trouc diu ougen mîn.
ich wânde, ez solde sîn
des liehten mânen schîn.
Dô tagte ez.' "Owê, -
Sol aber er iemer mê
den morgen hie betagen?
als uns diu naht engê,
daz wir niht durfen klagen:
'Owê, nu ist ez tac,'
als er mit klage pflac,
dô er jungest bî mir lac.
Dô tagte ez." 'Owê, -Heinrich von Morungen - Owê, sol aber mir iemer mê - http://motolyrics.com/heinrich-von-morungen/owe-sol-aber-mir-iemer-me-lyrics.html
Si kuste âne zal
in dem slâfe mich.
dô vielen hin ze tal
ir trehene nider sich.
Iedoch getrôste ich sie,
daz sî ir weinen lie
und mich al umbevie.
Dô tagte ez.' "Owê, -
Daz er sô dicke sich
bî mir ersehen hât!
als er endahte mich,
sô wolt er sunder wât
Mîn arme schouwen blôz.
ez was ein wunder grôz,
daz in des nie verdrôz.
Dô tagte ez." Submitter's comments:  This song is in middle high german, a language that was spoken between 1000 and 1500 AD. It originally had no title so the first line is taken as the title. Dieses Lied ist auf Mittelhochdeutsch, einer Sprache, die zwischen 1000 und 15000 n. Chr. gesprochen wurde. Das Original hatte keinen Titel, deswegen wurde die erste Zeile als Überschrift genommen.